News Flash

As you probably realize, staying on Zanzibar (or any of Tanzania's islands) is generally a lot cheaper than being on safari. Don't forget to look at the options on Mafia Island also if any of your party are serious divers or snorkellers; Mafia doesn't have the same quality of beaches … but it's a lot quieter than Zanzibar, and can have a much more exclusive feel for a similar cost.
 
Home arrow Tanzanians arrow Announcements arrow KUTOA MAONI - KATIBA MPYA
KUTOA MAONI - KATIBA MPYA Print E-mail

Ubalozi wa Tanzania, Sweden umepokea barua toka Wizara ya Mambo ya Nje na Ushirikiano wa Kimataifa, Tanzania ikiambatanisha mwongozo wa kutoa maoni juu ya katiba mpya kama ifuatavyo;

MWONGOZO KUHUSU UTARATIBU WA WATANZANIA WANAOISHI UGHAIBUNI KUTOA MAONI KUHUSU UPATIKANANJI WA KATIBA MPYA

Kwa kuwa mchakato wa kupata Katiba Mpya ni utaratibu unaosimamiwa na Sheria ya Mabadiliko ya Katiba, Sura ya 83; tunashauri kuwa Watanzania wote wanaotaka kushiriki katika mchakato huo ni vizuri kuzifahamu Katiba ya Jamhuri ya Muungano wa Tanzania ya mwaka 1977 na Sheria ya Mabadiliko ya Katiba, Sura ya 83 ambazo zote zinapatikana
katika tovuti ya Tume ambayo ni www.katiba.go.tz

Kusoma Sheria hizo kutasaidia kuielewa Katiba ya sasa ubora na upungufu wake na kuelewa utaratibu na masharti yanayoainishwa kisheria kuhusiana na mchakato wa upatikanaji wa Katiba Mpya.

MAMBO YA KUZINGATIA

Kwa kuwa uratibu na ukusanyaji wa maoni unatawaliwa na kusimamiwa na Sheria, Tume inaelekeza mambo yafuatayo yazingatiwe:

(a) Nani Mwenye Haki ya Kushiriki:

Mtu yeyote ambaye ni Mtanzania kwa uraia wake anayo haki ya kushiriki katika mchakato huu. Mtu ambaye kwa asili yake ni Mtanzania, lakini amepoteza uraia wa Tanzania hatoweza kushiriki; na akifanya hivyo atakuwa ametenda kosa chini ya
Sheria.

(b) Utaratibu wa Utoaji Maoni:

Njia tatu za ukusanyaji wa maoni zitatumika. Njia hizo ni kama zifuatazo:

  1. utoaji wa maoni kupitia mitandao ya kijamii, tovuti (www.katiba.go.tz) barua pepe ya Tume, ( This e-mail address is being protected from spam bots, you need JavaScript enabled to view it ), nukushi + 255-22-2133442 na +255-224-2230769 na
  2. utoaji wa maoni kupitia nyaraka na barua zitakazotumwa kwa Tume kutumia anwani ya Tume, ambao ni: Katibu, Tume ya Mabadiliko ya Katiba, S.L.P. 1681 DSM au Ofisi ndogo ya Tume, S.L.P. 2775 Zanzibar.
  3. kuhudhuria mikutano ya kukusanya maoni iliyoandaliwa na Tume (endapo Mtanzania anayeishi Ughaibuni atabahatika kuwepo Tanzania wakati wa ukusanyaji wa maoni, anaweza kushiriki katika mchakato huo kama Watanzania wengine walioko nchini).

(c) Utambulisho wa Mtoa Maoni:

Kila mtu atakayetoa maoni yake Tume anapaswa kubainisha mambo yafuatayo:-

(i) majina yake matatu;
(ii) namba ya pasi yake ya kusafiria na mahali ilipotolewa;
(iii) nchi na mji anaoishi;
(iv) endapo atatumia nyaraka au barua, ataambatanisha kivuli cha pasi yake
(ukurasa unaoonyesha maelezo ya mtu mwenye pasi hiyo).

Tume inapenda kuwakumbusha tena Watanzania kuwa utoaji wa maoni ni jambo la uhuru na hiari ya mtu na kwamba mchakato wa kupata Katiba Mpya unawahusu raia wa Tanzania pekee.

“TOA MAONI, TUPATE KATIBA MPYA”

Last Updated ( Friday, 09 November 2012 )
 
< Prev   Next >
© 2017 Embassy of The United Republic of Tanzania - Stockholm, Sweden

Comments for Webmaster
.